[]إلـــــي تومتي البريدها
لما اسرح في عيونك كلي بتفتح مشاعر
وأبدأ أكتب ليكي غنوة قبلي ما غناها شاعر
في عيونك شفت حسنك يبتسم للدنيا ساخر
روعة تتحدى الروائع وليها حق ما نوعا نادر
زي شجاعة ناس بلدنا البيها دون الناس نفاخر
نحن ماضي ونحن حاضر ونحن كل الجايي باكر
لا تظني هواكي عايش في القلوب من غير أواصر
في سبيل عينيكي إنتي نحن بالأرواح نخاطر
قولة أحبك لو بتكفي حبي ليك ما ليهو آخر
والعجيب من قبلك إنتي قلبي كان بالريدة كافر
يا سلام لمان أشوفك وفجأة يخطر لي خاطر
وألقى كل الكون بيضحك وأي منظر فيهو ساحر
في عيونك واضحة نفسك إنتي جوهر ما مظاهر][/color]
الثلاثاء يونيو 14, 2011 12:24 am من طرف احمدالفاتح
